بسم الله الرحمان الرحيم والسلام عليكم ورحمة الله تعالى وبركاته
اخواتي عملت هاد الكلاص وحبيت نشارككم به نتمنى ينال اعجابكم وتجربوه واخا مازال شوية وقتو
المقادير
نصف لتر من لاكريم فريش
3 بيضات
3 ملاعق كبيرة بودرة كاكاو
2 ملاعق كبيرة سكر بودرة
1 ساشي نسكافي
3 ملاعق كبار شعرية الشلاط للتزيين
1 دانون فاني
الطريقة
فاناء كبير كنخدمو لاكريم فريش حتى تولي شونتي
كنفرقو ابيض البيض عن الاصفر وما نخدمو كل واحد بوحدو مع اضافة ملعقة كبيرة من السكر البودرة الى كل منهما كنحصلو على ابيض البيض عامل كيف التلج
من بعد كا نضيفو هاد الخليط للخليط الاول ديال لاكريم شونتي + دانون
كنخلطو هاد العناصر حتى تنسجم مع بعضها
ونقسموها على 3 واحد نزيدو فيه البودرة د الكاكاو واحد نزيدو فيه نسكافي مذوبة فقليل ديال الما واحد نخليوه بنكهة الفاني
نخلطوهم حتى تنسجم العناصر
ونعمرو المول باطبقات الثلاثة لي عندنا
كندخلوه للمجمد حتى يجمد من بعد كا نزينوه على حسب الذوق انا زينتو بشعرية ديال الشكلاط والبندق والشكلاط
الرئيسية 
