على وضح النّقا جيتك تلملمني
بقايا من بشر في أمركم شوره
أبشرح لك بعضْ وضعي وتفهمني
وقلتي يمكنه طبّي ودكتوره
وشفت الغدر منّك قام يصدمني
يزهّب حدّ سيفه ثمّ ساطوره
يقصّ العظم منّي ثمّ شتّتني
شظايا من مشاعر لك ومأسوره
وعينك بالجفا لو ما تكلّمني
شهد قلبك بما تخفيه بشعوره
نويت الغدر قبل الغدرعلّمني
لتجرحني قبلْ توضح لِيَ الصوره
حبيب القلب هجرك لي يعذّبني
مزع قلبي وفكرى ضاق من طوره
ضرب خمسٍ وعشرٍ هو يكسّرني
تحطّم له بواقي وجدنا جوره
نسى أنّه بحرفَ الحبّ يفْرحني
بحكيه تشرق الصّفحات مسروره
بها تومض غلا واحساس يكتبني
بداية في لقى أشواق مبهوره
عسى ما شرّ يومك صرتِ تنْكرني
منَ المخطي ومنهو تسمعي شوره
ترى منهو عذل لك لا يصوّرني
وحشْ كاسر طغى لك كذب أشروره
حقيقه لا ولا تسمعْ يعذربني
شياطين البشر بالحسدِ ماموره
يثور الفكر شامخْ لك ويحزنّي
بنوفه لا صدق منتي بمعذوره
ونوف الحلم هو لك ما يأرّقني
بقولك حلم ليلك هو سبب ثوره
دمتم سالمين
الرئيسية 
